"ඔටුවා", ඒ කියන්නෙ තනිකඩයා..මෙහෙම අය ඕඅන තරම් අපි අතරෙ ඉන්නව. එ වුනාට උං අතරෙ ඉන්නව සුවිශේෂ ඔටුවො ජාතියකුත්. උං තමයි "ප්‍රොෆෙෂනල් ඔටුවො". මේ අය ඇවිල්ල අපිට කෙල්ලො එපා කියන, තනිකඩ ජීවිතේ සැප ගැන කියවන, මැරෙන තුරාවටම තනිකඩව ඉන්නව කියන කට්ටිය. තමන්ට කෙල්ලො එපා වුන පලියට අනුන්ටත් එපා කරවන ජාතියෙ උදවිය ගැනයි මේ කියන්නෙ..
මේ වගේ අය ඕන තරම් අපිට සමාජෙ දකින්ඩ ලැබෙනව. මේ ගොඩක් අය කියන විදිහට කෙල්ලො කියන්නෙ කොල්ලොංව අමාරුවෙ දාන්ඩ බලාගෙන ඉන්න පරපෝශිත සත්ව කොටසක්. මට තේරුණ විදිහටනං මෙයාල මේ තත්වෙට පත් වෙන්නෙත් කලිං සිදුවෙච්ච බලාපොරත්තු කඩවීම් හින්දම තමයි. මේ මොන පොර ටෝක්ස් දෙන කොල්ලත් ටික දවසකිං කෙල්ලො පස්සෙ යන්ඩ පටන්ගන්නෙ සාධාරණ හේතුත් හදාගෙන.
"ඒකි පවු බං"...."අහිංසක කෙල්ලෙක්".."වෙන උං වගේ නෙවෙයි.".....මේ වගේ දාහක් හේතු හදාගෙන තමයි වැඩේට බහින්නෙ. සමහර උං කෙල්ලගෙං අහන්ඩත් කලිම්ම හදන ළමයි ගානත් තීරණේ කරල ඉවරයි. දන්න සියලුම සිවිල් ඉංජිනේරු ශිල්ප ක්‍රම දාල සිහින මාලිගා හදන එක තමයි ඒ කාලෙට කෙරෙන්නෙ. අන්තිමට කෙල්ල අකමැති වුනොත් (අපේ බාසාවෙං කියනවනං ඇණයක් දුන්නොත්) සිහින මාලිගා බිමටම සමතලා කරගෙන ආපහු සුපුරුදු පිලිකුල් භාවනාවට බහිනව......අපිට කෙල්ලො එපා.........නරිය මිදි තිත්තයි කිව්වලුනෙ. මුං හිතේ අමාරුවටත් එක්ක කෙල්ලො ගැන අප්පිරියාසහගත කතා කියල අපිටත් සසර කලකිරවනව.....
පෙරේද අපේ කම්මල් පීඨෙ තිබුන "පොඩි උන් පිලිගැනීමේ උත්සවේ"ට අපේම බැච් එකේ උං ලියපු, අපිම කියල අපිම සංගීතවත් කරපු සිංදුවක මේ සමාජ යථාර්ථය යන්තමින් හරි පෙන්නලා තිබුන කියල මට හිතුන. අපි මේකට කියන්නෙ "ඔටු සින්දුව" කියල. අහල බලල ඔබේ අදහසත් කියල ගියානම් මං ඒක අගේ කරනව. මේ පැත්තට ගොඩ වැදිල යන්ඩ ආවට ගොඩක් ස්තුතියි!
මේ සින්දුව කරේ අපේ පීඨෙ ඉන්න ඔටුවො සෙට් එකක්. පහල තියන වීඩියෝ එක ඔටුවොන්ට මඩ ගහල අපිම හදපු එකක්. ඒකත් බැලල යන්ඩ පුලුවන්නම්.
